Роверот кој требаше да ја испитува Месечината заминува во хибернација. Минијатурниот истражувач, познат како „Зајакот од жад“ на половина пат од тримесечната мисија да ја проучи кората на Месечината, претрпел дефект, објавија државните медиуми на Кина.
„Иако требаше да одмарам ова утро, моите управители открија нешто абнормално со контролниот систем…луѓето одговорни за мене работат за изнаоѓање решение“, вели самиот ровер програмиран да дава одговори, објаснувајќи дека веројатно нема да ја преживее колонизацијата на Месечината која се одвива во 14 дена, кога температурата на површината (на Месечината) може да достигне до минус 180 степени Целзиусови.
Како би ја преживеал колонизацијата, роверот мора да хибернира како би се заштитила електрониката. Доколку се јави механички проблем при хибернацијата, роверот би можел да замрзне и да се растури.
Слетувањето на Месечината минатиот декември ја стави Кина како трета земја која успешно „слетала“ на месечината.
На социјалните медиуми илјадници Кинези испратија пораки до роботот.
„Направи добра работа, претрпе екстремно високи и екстремно ниски температури и ни покажа работи кои не сме ги виделе до сега“, се вели во еден од коментарите на блоговите.
На крајот од своето обраќање, роверот вели „Сонцето зајде и температурите нагло паѓаат, да ви кажам, не чувствувам тага. Бев на авантура и како секој еден херој се соочив со мал проблем“, вели „Зајакот од жад“, завршувајќи со зборовите „Добра ноќ Земјо, добра ноќ за човештвото“.