Вечерва, со почеток од 19 часот во Филхармонија се одржа настанот „Добро за Ромите, добро за Северна Македонија“ организиран од страна на Ромите за Демократијата.
Настанот беше поделен на два дела. Првиот дел беше наменет за проникливи дискусии водени од ценети говорници, а вториот дел од настанот присутните имаа можност да го проследат концертот на Roma: The Force Of Nature, насловен „Хармонизирање на нациите: Ромите- пулсот на единството на Западен Балкан“, предводено од страна на Бекир Халити.
Настанот беше предводен од Селвије Мустафи Алкан и Андријано Џеладин. А на сцената се обратија истакнати лидери како Жељко Јовановиќ, Фатима Османовска, Кемал Сулејманов, Реџеп Али Чупи и Надрие Шаќири-Реџепи.
Наспроти позадината на историската маргинализација и влошените политики по Охридскиот Рамковен Договор, овој настан послужи како светилник на промени во пресрет на изборите. На настанот се истакнаа приоритетите и политиките корисни за Ромите, но и за Северна Македонија.
Во своето обраќање Жељко Јовановиќ, директор на Open Society Roma Initiatives Office, истакна дека за прашањата кои ги засегаат Ромите не е доволно да се чека на националната влада, ниту на ЕУ. Стави акцент на стратегиите кои би требало да се променат и да се оствари потенцијалот на Ромите.
„Ние сме толку силни кога сме обединети колку што сме слаби кога сме поделени“, со оваа мисла го започна својот говор Фатима Османовска, претседателка на Општинскиот Совет на Шуто Оризари. Истакнувајќи го проблемот на Ромите кои се соочуваат со дискриминација во другите општини. Нагласувајќи деца децата Роми во другите општини седат на последните клупи во училниците, нема место за нив во престижните гимназии и не се наградувани со признанија како другите деца. „Многу е подобро да си Ром кој што живее во Шуто Оризари, отколку во која било друга општина”, додаде таа.
На настанот присуствуваа Димитар Ковачевски, вицепремиерот Бојан Маричиќ како и Јованка Тренчевска.
Директорката на Иницијатива за економски развој на Ромите во своето обраќање го истакна значењето на инвестирањето во ромски претприемачи се со цел да се разбуди претприемачкиот дух во ромските заедници.
Реџеп Али Чупи, ко-директор на Ромскиот Образовен Фонд зборуваше за обезбедувањето на пристап на Ромите до образованието и инвестирање во нивното вработување.
Овој настан беше организиран се со цел да се обединат Ромите и Северна Македонија во визија за единство, напредок и културно богатство.
Сите оние кои не можеа да присуствуваат на настанот имаа можност да го следат во живо на фејсбук страната на Ромите за Демократијата.
Подготви: Марија Тодоровска