Бања Лука: Претседателот на Република Српска Милорад Додик денеска соопшти дека, како и секој несакан посетител, и германската министерка Ана Лерман кришум дошла во Бања Лука за да се сретне со своите пулени.
На што спадна некогаш моќната Германија. Очекувам полицијата на Република Српска да ја испрати засекогаш од Република Српска, напиша Додик на платформата Х.
Владата на Република Српска денеска ја прогласи германската министерка за европски прашања Ана Лерман за персона нон грата во Република Српска и нареди на МВР да ја спроведе надвор од границата при влез на територијата на Републиката.
Владата го изрази својот протест и против едностраните и политички мотивирани мерки кои без транспарентна правна основа и со непочитување на принципот на непристрасност, беа преземени од одредени германски функционери, меѓу кои и Лерман, во форма на воведување санкции за претседателот на Република Српска, премиерот и претседателот на Народното собрание, соопшти Владата на Република Српска.