Протече најголемата дата база на податоци за компании досега со податоци од Панама која изложи фирми и финансиски тајни на светски лидери, политичари, јавни службеници, бизнисмени, луѓе од шоу бизнисот итн. Адвокатски фирми и финаскиски консалтинг компаниии им помагале на овие луѓе да перат пари и да кријат имот ширум светот. Овие документи открија дека претседателот на Русија Владимир Путин сокрил имот вреден 2 милијарди евра преку фирми и зделки во Панама, но покрај него се излжија и лидери и политичари од земјите од Западниот свет каде што корупцијата не се толерира, како премиерот на Исланд кој во моментов се соочува и со предвремени избори откако се откри дека и тој криел имот во офшор земјите. Друштво им прават и претседателот на Украина, кралот на Саудиска Арабија, децата на претседателот на Азербејџан и многу други. За тежината на оваа протечена база на документи говори и фактот дека вечерва по по објавувањето премиерот на Велика Британија Дејвид Камерун најави организирање на итен самит на лидери на кој ќе се разговара за опасностите и заканитее од концептот на офшор држави.
Дата базата протече откако вработен во панамската адвокатска фирма „Мосак Фонсека“ им предал 2,6 терабајти документи на весникот „Зидојче Цајтунг“. Од „Зидојче Цајтунг“ се обратиле во Интернационалниот конзорциум на истражувачки новинари“ кои претходно работеа со дојави и документи од овој тип како Офшор Ликс, Свис Ликс и Лукс Ликс. Конзорциумот една година работеше со новинари и редакции од целиот свет. Целата база за пребарување ќе биде достапна во Мај.
Ова е досега најголемата протечена база на документи од офшор компании. Во неа се вклучени податоци од 1977 до 2015 или околу 1,5 милиони документи. Овозможува досега невиден инсајдерски пристап од офшор светот овозможувајќи преглед на црните пари низ глобалнио финансиски систем декада по декада.
НОВАТВ пред две години ги објави првите и досега единствени документи за Македонија од Панама кои во сопствениците на офшор компании го вклучуваа политичарот Борис Стојменов и целото негово семејство сосе снаата вработена во Министерството за правда, како и актуелниот сопственик на Канал 5 телевизија и поранешните директори на „Македонија Табак“ од кои едниот пребега во Јужна Африка. На сториите работеа новинарите Борис Георгиевски и Сашка Цветковска.