Ја губи ли Ферари и оваа, штотуку почната, натпреварувачка сезона? – Да, ако се суди по трите трки во кои видовме апсолутна доминација на Мерцедес. По Австралија и Бахреин, така беше и утрово во Кина каде се возеше јубилејната 1.000 трка во историјата на Формула 1. А, во неа нов еден-два триумф на тимот со седиште во Брекли во Обединетото Кралство.
Луис Хамилтон ја извозе 75. победа во кариерата, втора во 2019 година, и низ целта мина со време од 1:32:06,350 часа. Второто место го освои неговиот клупски колега, Валтери Ботас кој заостана 6,552 секунди, како трет заврши Себастијан Фетел (+13,744 сек.) за кого ова е прв подиум во сезоната оставајќи ги зад себе Макс Ферстапен (+27,627 сек.) и Шарл Леклер (+31,276 сек.).
„Овој можеби не е најдобар викенд, но резултатите што ги постигнавме се фантастични за нас. Сите напорно работеа во таа насока. Немавме претстава како ќе оди Ферари меѓутоа прво и второ место на јубилејното гран при е нешто посебно. Стартот ја направи разликата. Стратегијата беше од големо значење во трите трки“, изјави Хамилтон по ГН на Кина.
Хамилтон уште на стартот го заобиколи Ботас и го презеде водството и до истекот на 22 круг имаше пет секунди подобро време. Одлуката на Мерцедес беше Ботас да му чува грб на Британецот од нападите на Ферари услови временската залиха за време на настапот да падне на две секунди, но бранителот на тронот додаде гас за недостижна предност и заслужена победа.
Наредната трка во Ф1 шампионатот ќе се вози на 28 април во Баку за ГН на Азербејџан.
Резултати од трката за ГН на Кина
Луис Хамилтон (Мерцедес) 1:32:06,350 часа
Валтери Ботас (Мерцедес) +6,552 сек.
Себастијан Фетел (Ферари) ++13,744 сек.
Макс Ферстапен (Ред Бул Рејсинг Хонда) +27,627 сек.
Шарл Леклер (Ферари) +31,276 сек.
Пјер Гасли (Ред Бул Рејсинг Хонда) +89,307 сек.
Даниел Рикијардо (Рено) +1 круг
Серхио Перез (Рејсинг Поинт БВТ Мерцедес) +1 круг
Кими Раиконен (Алфа Ромео Рејсинг Ферари) +1 круг
Александер Албон (Скудерија Торо Росо Хонда) +1 круг, итн.
Генерален пласман кај возачи
Луис Хамилтон (В. Британија/Мерцедес) 68 бода
Валтери Ботас (Финска/Мерцедес) 62
Макс Ферстапен (Холандија/Ред Бул Рејсинг Хонда) 39
Себастијан Фетел (Германија/Ферари) 37
Шарл Леклер (Монако/Ферари) 36
Пјер Гасли (Франција/Ред Бул Рејсинг Хонда) 13
Кини Раиконен (Финска/Алфа Ромео Рејсинг Ферари) 12
Ландо Норис (В. Британија/Мекларен Рено) 8
Кевин Магнусен (Данска/Хас Ферари) 8
Нико Хулкенберг (Германија/Рено) 6, итн.
Генерален пласман кај конструктори
Мерцедес 130 бода
Ферари 73
Ред Бул Рејсинг Хонда 52
Рено 12
Алфа Ромео Рејсинг Ферари 12
Хас Ферари 8
Мекларен Рено 8
Рејсинг Поинт БВТ Мерцедес 7
Скудерија Торо Росо Хонда 4
Вилијамс Мерцедес 0