Пред неполна година, еден млад човек напиша „Доста е со убивање на луѓе“.
Осумгодишниот Мартин Ричард прати јасна порака. Неговата чиста мисла го обиколи светот.
Напиша обични, но многу силни зборови.
Младиот Мартин заедно со своето семејство биле на маратонот во Бостон. Две бомби експлодираа во близина на целната линија. Фатални за животот на Мартин.
Таткото на момчето, Вилијам Ричард, лидер на заедницата во делот Ешмонт – Дорчестер, изјави:
„Мојот син Мартин почина од повредите здобиени во нападот во Бостон.
– Сопругата и ќерката се опоравуваат од сериозни повреди. Им се заблагодаруваме на нашите пријатели, оние што ги знаеме и оние што никогаш не сме ги сретнале, за своите мисли и молитви.
– Исто така, ве молам за трпение и почитување на приватноста. Ви благодарам”, додаде Ричард.
Утредента илјадници луѓе оддржаа миса за изгубените човечки животи. Држејќи се за раце, се молеа за нив и јасно ја пренесоа пораката на Мартин – Доста е од убиства!
Пароли со зборот „Мир“ осамнаа на делови од автопатот во Бостон.
Бомбашкиот напад во Бостон е само аларм за да се стави крај на насилствата насекаде во светот, каде се почесто жртви се децата.
Пораката на малиот Мартин ја носи секое дете. Нивната искреност треба да се врежи во срцата секој човек, без оглед на верата, расата, националноста.