Илија Димовски во својство на преговарач од партијата ВМРО-ДПМНЕ, во пресрет на преговорите во Клубот на пратеници, денеска побара од сите здруженија на новинари, асоцијации, невладин сектор, како и регионални здруженија, од синдикатите, верските заедници, спортските друштва, да достават писмени предлози во следните 2-3 дена, како да се подобри медиумскиот амбиент во земјава.
Како што рече Димовски пред новинарите, политичарите заедно со европските претставници не се доволни за создавање на здрав систем во кој ќе функционираат медиумите.
Димовски вели, неговата партија не прифаќа никакви закони кои ќе значат зголемување на казни, а ваквиот пристап бил минимум за да се одвива демократски и отворен процес, бидејќи решенијата според него мора да бидат прифатени од целото општество.
Во однос на предлозите доставени од беглискиот посредник Питер Ванхоуте, тој вели, повеќето од нив ги нема во ниту една од државите, а тие не сакале Македонија да биде експериментална земја.
– Најдобро е да најдеме решение кое функционира во една од земјите од Европската унија и да го имплементираме овде, надополни Димовски, напоменувајќи дека партиите длабоко се разидуваат во предлозите.
На неговата изјава веднаш реагираше претставникот на СДСМ во преговорите за медиумите, Роберт Поповски, кој рече дека ваквата реакција на ВМРО-ДПМНЕ е задоцнета.
– ВМРО-ДПМНЕ не го прифати предлогот на СДСМ новинарите да бидат присутни на маса. Нивната реакција е задоцената бидејќи роковите се веќе пробиени, а тие дури денеска покренуваат иницијтиви за консолидација со новинарските здруженија и медиумските работници, рече Поповски.
Според него, постојат две толкувања на денешната изјава на ВМРО-ДПМНЕ, а тоа е или дека веќе се свестиле за потребата од ваквиот процес, да бидат сослушани најзасегнатите, или ова е уште една тактика за пролонгирање на усогласувањето на ставовите за и понатаму да партиајта на власт да има контрола врз медиумите.
Поповски надполни дека голем дел од предлозите на Белгиецот Ванхоуте се прифатливи, односно дека се од она што го прзентирал тој, а значи департизирање на Агенцијата за аудио и аудиовизуелни медиумски услуги и МРТ, за СДСМ е прифатливо.
Прашан да ја коментира изјавата на лидерот на СДСМ, Зоран Заев, за тоа дека одредени медиуми со своето работење и се непријател на најголемата опозициска партија, Поповски вели:
„Преговараме заради катастрофалната ситуација со медиумите создадена за време на оваа власт. Тоа што некои медиуми дозволиле да бидат курири на власта и партиски експозитури а не медиуми, е нивни проблем и ние тоа треба да го регулираме“.
Поповски очекува денеска работните групи да продолжат да преговараат по одредени специфики од предлозите на четирите партии.