Пченицата е една од првите култивирани житарки и околу 8000 години е основната храна на човештвото. Денес таа е засадена на многу голема површина во однос на останатите прехранбени култури. Најчесто користен вид е дурум пченицата и производите од неа, но во последната декада се повеќе се зголемува интересот за „древните житарки” кои не биле генетски модифицирани, го зачувале богатиот нутритивен состав и органолептички својства. Древните житарки, како и псевдожитарките и нивните производи се поздрави во однос на останатите познати житарки.
Камут® Khorasan пченицата е специфична и древна житарка која потекнува од Египет и која е сѐ
повеќе барана. Како заштитена трговска марка КAMUT® гарантира висок квалитет со содржина на протеини и селен и специфичности според кои оваа пченица треба да биде органски сертифицирана и никогаш генетски модифицирана или хибридизирана.
Користењето на Камут® пченицата во прехранбената преработувачка индустрија значи добивање на производи со богата нутритивна вредност. Лебот и тестенините добиени од Камут® брашно имаат повеќе каротеноиди и протеини во однос на тие добиени од другите видови на житарки, се посебно вкусни и со подолг рок на траење. Според литературните податоци Камут® пченицата, како и спелта пченицата, брашното и производите од нив содржат повеќе вкупни феноли и поголеми антиоксидантни својства во однос на другите пченици. Од каротеноидите најзастапен е лутеинот, со повисока содржина во однос на другите пченици, содржи и фенолна компонента процијанидин, биоактивни пептиди, како и мали фрагменти на протеини. Согласно научните истражувања со уотреба на Камут® пченицата и производите од неа, како што е брашното, организмот се снабдува со различни нутритивни и биоактивни компоненти кои се значајни за правилен раст и развој.
Од палетата на производи од Камут® Khorasan пченица во продажните места на ЗЕГИН Healthy Food веќе може да се набават два вида на Камут® Khorasan брашно.
Органско интегрално брашно од Камут® Khorasan пченица, 500 g
Се состои од органско интегрално брашно од Камут® Khorasan пченица.
Интегралната пченица не подлежи на процеси на сепарација и затоа природно содржи големо количество на влакна. Интегралното брашно од Камут® Khorasan пченицата е многу вкусно и погодно за подготовка на леб, крекери, двопек, солени стапчиња, schiacciate(тесто слично на пица), пица и секако за колачи.
Органско брашно од Камут® Khorasan пченица, 500 g
Се состои од органски брашно од Камут Khorasan пченица кое се добива со делумно одвојување на триците. Тестото од ова брашно добро нараснува и погодно е за подготовка на леб, крекери, двопек, солени стапчиња, schiacciate (тесто слично на пица), пица и секако за колачи.
Пробајте ги древните вкусови кои ни ги дарила природата и бидете креатори на сопственото здравје!
*Маркетиншки текст