Македонија превзема мерки за подобрување на состојбите во затворите, по препораки на Советот на Европа, но според експертите, треба да воведи дополнителни порадикални мерки за постигнување на посакуваните резултати.
Делегација на советот на Комитетот за превенција од измачување ја посети Македонија во Ноември 2011, испитувајќи ги институциите кои служат за корекција, и својот извештај го објави минатиот месец.
Во извештајот се наведуваат замерки за големината на ќелиите, лошите услови за живот, и насилствата, како главни проблеми во македонските затвори.
“Како резултат на недостиг од кадар, посилните ефективно владеат со делови од затворот, и постои генерална култура на насилство”, изјави Џим Мекманус, претседател на Комитетот за превенција од измачување.
Тој додаде дека “дрогата е најголемиот проблем во затворите и е лесно достапна.”Во прилог на извештајот, македонската Влада изјави дека досега има инвестирано 52 милиони евра за реконструкција на постоечките затвори, и градење на нови.
“Очекуваме генерално подобрување после завшрувањата на градбените активности за затворот во Куманово. Исто така започнавме со реконструкција на зградата во затворот во Идризово”, изјави Министерот за правда, Блерим Беџети.
Извор: http://www.setimes.com