Пацинетите со ХИВ/СИДА останаа без неопходниот лек. За последните шест месеци овие луѓе двапати остануваат без лекови.
Откако државата ја превзема обврската да набавува лекови почнаа да се појавуваат проблеми со набавките, а информирани сме и дека буџетот од милиони денари кој е наменет за лекови за болните со ХИВ/СИДА е исцрпен велат во Групата за подршка „Заедно сме посилни“. Во претходните години лекови се набавуваа со донации, преку УНИЦЕФ и Глобал фонд.
-Пациентите се снаоѓаат како знаат и умеат . Лекот чини околу 300 евра, тие што имаат можност си го набавуваат преку интернет, други се солидаризираат и си ги делат лековите меѓу себе. Недозволиво е да се случи прекин на терапијата бидејќи вирусот станува резистентен и терапијата престанува да делува, па мора да се сменат лековите изјави Андреј Сених од групата за подршка.
Директорот на Клиниката за инфективни болести со два контрадиктрни одговори. Еднаш рече дека настанал недостиг кој ќе се коригира за десетина дена, а потоа дека лекови воопшто не недостасуваат.
На клиниката во моментот се лекуваат околу 60 пациенти меѓу кои и две деца. Раководството вели дека најдобар избор е да се набават најефтини, а во исто време и најефикасни лекови, што кај пациентите веќе се толкува како најава за влез на ефтини генерички лекови кои ќе ги заменат постоечките.