Преку четири аукции на државни записи и обврзници, државата денес се задолжи за скоро 140 милиони евра.
Утре по основ на доспеани хартии од вредност, Владата во реалниот сектор треба да врати исто така околу 100.6 милиони евра. Јавниот долг и понатаму расте и заклучно со февруари сочинува 33.3 проценти од бруто домашниот производ.
Минатата година Македонија заврши со долг од 32 проценти од БДП. За само два месеци вкупниот долг на централната влада има пораст од над 170 милиони евра.
Последните расположливи податоци од министерството за финансии покажуваат дека во првиот месец од годинава продолжил трендот на задолжување на Владата, јави 24 Вести
Инаку утре се очекува делегација од Меѓународниот монетарен фонд да пристигне на редовни консултации во Македонија. Мисијата на фондот ќе ја предводи Ивана Владкова Холар. Под лупа ќе бидат ставени вкупната фискална – односно буџетска политика на Владата. Ќе се анализира издржливоста и буџетската кондиција за навремено измирување на долговите.
Тимот ќе изврши ревизија на кредитната линија за внимателност, која Владата ја зема во 2011 непосредно пред вонредните праламентарни избори. Тој кредит првично беше одобрен во висина од 480 милиони евра, за Владата да се одлучи да повлече 220 милиони евра, информираше 24 Вести