Published: Wednesday, April 1, 2020 16:45
Инспекциски надзор ќе биде спроведен во болницата во Охрид бидејќи возилото за брза помош ја оставило родилката која што почина пред вратата на ГАК, а била донесена без крвна група. Од Министерството за здравство потврдија дека Државниот санитарен и здравствен инспекторат веќе го почнал вонредниот инспекциски надзор во Универзитетската Клиника за гинекологија и акушерство во Скопје, уште во текот на вчерашниот ден.
„Истиот ќе биде комплетиран откога ќе бидат завршени воредниот инспекциски надзор кај матичниот гинеколог во Охрид и на гинеколошкото одделение во охридската болница. Овие два надзора се во тек, одговорија на прашање на НОВА, од Министерството за здравство.
Државниот санитарен и здравствен инспекторат ќе спроведе вонреден инспекциски надзор и за случајот со 45 годишниот маж од Куманово кој почина вчера, а на член на неговото семејство(неговата мајка) која се вратиле од Франција и на другите членови на семејството брисеви им се земени дури вчера, откога почина пациентот. Според член од семејството, мајката цела недела имала симптоми и барала од матичниот лекар да и закаже тестирање, но тоа не било сторено.