Градоначалникот на општина Шуто Оризари Курто Дудуш денеска до медиуми испрати галерија фотографии со кои ја илустрира состојбата во опптинската зграда што ја наследил.
На фотографиите испратени до медиумите се гледа како во канцеларијата на градоначалникот се поставени кофи, веројатно да ја собираат водата која протекува од покривот.
Во соопштението се наведува дека „според сведоштвата на вработените ваквата ситуација е константна наназад години поради лошата покриван конструкција“.
– Претходниот градоначаник наместо да интервенира во кровна реконструкција инвестирал во проширување и реновирање на сопствената канцеларија.
Општината е под ризик од избивање на поголем проблем поради протекување на вода директно во струјната инсталација, тврди градоначалникот Дудуш.
Курто Дудуш на неодмана одржаните локални избори, беше избран за градоначалник, и го наследи Елвис Бајрам од Сојузот на Ромите, кој осум години беше на оваа функција.