Демократската унија за интеграција денес ќе го поднесе до Обвинителството досието „Интерпромет“. Досието околу еклатантниот случај на приватизацијата во сомнителни правни постапки, на голем број деловни објекти сите во државна сопственост, кои ги уживале граѓаните на Тетово.
Како што соопштуваат од ДУИ, станува збор за вкупно 56 илјади квадратни метри на недвижен имот или 80 проценти вкупно од јавната сопственост во Тетово, која е приватизирана од страна на челникот на ДПА, Мендух Тачи, за време на првото коалицирање на оваа партија во првата влада на ВМРО-ДПМНЕ.
– Уште повеќе ова се случува во времето кога двајцата премиери на Македонија и Србија, Лубчо Георгиевски и Зоран Ѓинѓиќ кроеле планови за прекројување на границите без знаење на Албанците, соопштува ДУИ.
Демократската унија за интеграција има основано сомневања за криминална постапка при приватизацијата, доказите затоа денес ќе ги поднесе до Обвинителството, дека постапката за приватизација, или попрецизно, збогатувањето на Мендух Тачи на сметка на Албанците во Тетово, било незаконско и на криминален начин.
Благодарение на ваквото збогатување, денес “бегот” на ДПА, како што во ДУИ го нарекуваат, Мендух Тачи, ги финансира неговите антинационални политики со 200 илјади евра месечни примања – кои му се приход од компанијата “Интерпромет”, и со тоа ни дава уште една дополнителна причина да веруваме дека токму богатството и бизнисот се мотивот на овој човек за негово опстојување на политичката сцена.
ДУИ се сомневаме дека целта на учеството во владата на ДПА по секоја цена, како што се најавува од страна на Мендух Тачи, е ништо друго освен одржувањето и опстојување на неговиот бизнис, кому му носат приходи секоја година по 2,4 милиони евра.
Демократската унија за интеграција ветува дека ќе изврши повторно разгледување на постапката на приватизација на државниот имот од страна на компанијата “Интерпромет” и секако дека ќе ја корегира ваквата економска неправда врз Албанците во Тетово.