Лидерот на ДУИ, Али Ахмети упати честитки до своите соработници и членови во партијата по повод 14-годишнината од основањето на Демократската унија за интеграција.
„Во досегашните 14 години активност, Демократската унија за интеграција се отелотвори со граѓаните и секогаш остана заедно предводејќи ги успешно во справувањето со многу предизвици со кои се соочивме, и успеавме да постигнеме и уште многу напредок во сите сфери на општествениот живот“, порача Ахмети.
Како што непоменува тој, за партијата останува уште многу работа, и го повика секој член и соработник да работи со голема посветеност кон остварување на националните цели, интегративни цели како и кон реализација на програмските определби.
„Во текот на овие години, Демократската унија за интеграција има инсталирано афирмативни вредности кои се оценуваат од страна на граѓаните, вклучувајќи го промовирањето на непосредна демократија, избегнување на навредите, но и реваншизмот против политичките противници. Исто така, ДУИ има промовирано државотворни вредности и покрај разликите кои се присутни кај нашите сограѓани кои се уште не го гледаат консензуалниот процес како неизбежен, но и користен за земјата“, стои во честитката на Ахмети.