„24 години по ред ние Албанците сме вклучени во процесот на демократизација на земјата, со активно учество во изградбата и развојот на Република Македонија, но никогаш не успеавме да раководиме со една од трите први функции на државата. Ако целта на демократијата е владеење на народот, се поствавува прашањето: Кога на нас Албанците ќе ни дојде редот да раководиме со една од трите главни институции на нашата заедничка држава?“, рече потпретседателот на ДУИ г-дин Гзим Острени.
– Со цел да ја смениме оваа реалност, ние во Демократската унија за интеграција (ДУИ) сметаме дека системот во демократија треба да им создаде и обезбеди можност на сите, и на Албанците, Турците, Ромите, Бошњаците и другите за да се чувствуваат рамноправни.
Затоа, ДУИ нуди идеја на владеење на сите народи во нашата заедничка мултиетничка држава, базирана на уставните измени според Охридскиот договор. Оваа идеја неслучајно ја именувавме како “консензуален претседател”.
– Затоа, на 13 април, во недела ќе кажеме “НЕ за едностран претседател “, ќе кажеме НЕ на четирите кандидати кои не го земаа во предвид албанското барање за претседател со меѓу-етнички консензус, рече Острени.
ДУИ останува на ставот дека консензуалниот претседател не е ниту етноцентричниот концепт на кандидатот Иванов, ниту пак концептот на граѓанска држава на кандидатот Пендаровски, ниту концептот на дневен партиски интерес кој го промовира Халими, туку е претседател кој потекнува од договорот меѓу албанскиот народ и македонскиот народ.
Само шеф на држава со меѓу-етнички консензус, како резултат на договор меѓу народите, е соодветното решение за овој пресуден момент во кој се наоѓа Македонија наспроти членството во НАТО и Европската унија.
– Ако волјата на сите заедници е обединета во решителноста за побрзо вклучување во НАТО и во Европската Унија, уште еднаш јавно прашуваме: Зошто да немаме заеднички кандидат кои ќе ја забрза имплементацијата на оваа определба?
– Јас бев претседателски кандидат. И тогаш бев убеден дека еден консензуален претседател ќе биде најдобро решение и за меѓу-етничкото помирување. Претседателот на Република Македонија треба да го персонифицира единството на сите народи, без разлика на верската или етничка припадност, истакна Острени.
Демократската унија за интеграција ја информира јавноста дека ниту 13-ти ниту пак 27-ти април нема да биде крај на политичката борба за консензуален претседател. Напротив, ова е само почеток.
ДУИ ќе ја продолжиме политичката битка за целосна рамноправност се додека нема да има институција или функција која ќе биде недостапна за Албанците.
За да ја добиеме оваа политичка битка , в недела ние Албанците ќе кажеме, “НЕ за едностран претседател” на начин што нема да излеземе на гласање за претседател на државата.