Обвинетиот Бојан Јовановски веќе шест месеци е во притвор и во тој период беше подложен на медицински преглед дури 60 пати. Тоа е тортура и ја претвора мерката притвор во казна. Ова го наведе одбраната на обвинетиот Јовановски, пред Апелацискиот суд во Скопје, како одговор на продолжената мерка притвор по точка 1 со образложение – „опасност од бегаство“.
Апелацискиот суд, на почетокот го изнесе писмениот поднесок од Вишото обвинителство, со кое бара да се одбие како неоснована жалбата на Бојан Јовановски по првостепената одлука и наведува дека во целост се исполнети условите за продолжување на мерката притвор. Бранителот на Бојан Јовановски, адвокат Сашо Дуковски, реагираше на, како што наведе, несериозноста на судиите.
„Не е функција на судиите да одредуваат степен на кривична одговорност во постапка. Тие веќе го осудија. Кривичниот совет веќе си зема за право да одлучува за степен на одговорност“, изјави Дуковски.
„Како да подготвам одбрана со болен. Обвинетиот Бојан Јовановски се наоѓа во притвор шест месеци и однесен е на преглед 60 пати“, кажа Дуковски.
„Абдоменалниот хирург предлага операција веднаш и вели строг хигиено-диететски режим со оглед на честите улкусни лезии“, нагласи Дуковски.
„Тоа е тортура и ја претвора мерката притвор во казна, изјави Дуковски.
Одлуката ќе биде доставена преку првостепениот суд.