Реката Дунав, која тече низ словачкиот главен град, Братислава изминатите неколку денови на неколкупати исфрли човекови остатоци што предизвика паника и страв кај граѓаните.
Според локалните медиуми, најпрво испловило тело на едно младо 21-годишно момче, кое потекнувало од градот и кое врз главата имало најлон кеса, а рацете му биле врзани одзади, јави дописникот на МИА.
Подоцна, како што информираше полицијата, реката исфрлила делови од човечко тело, односно труп без глава и екстремитети, за кој се смета дека и припаѓаат на жена од 16-35 годишна возраст.
Полицијата не ја исклучува можноста трупот да бил донесен од водата од Австрија или Чешка. Иако телата се најдени на неколку стотина метри оддалеченост, полицијата не потврди дека има поврзаност меѓу жртвите.