Од почеток како министер за економија и труд сум барал од Државната ревизија да направи контрола на институцијата и да видиме што наследувам. За жал, четири дена пред трагедијата во Кочани, ДЗР е во Министерството за економија и ги прави анализите. Морално, сум чист. Сум направил ад-хок ревизија и сум побарал од надлежните органи да дојдат и да ја видат работата што е направена во Министерството за економија, изјави министерот за економија и труд Бесар Дурмиши.
Одговарајќи на прашање од пратеникот од ДУИ Талат Џафери, каква е постапката за издавање лиценци за угостителска дејност, Дурмиши, во Собранието рече, дека детално има образложено кои се фази треба да се поминат за издавање лиценци, и нагласи дека има кажано оти Министерството за економија нема надлежност да контролира.
Државниот инспекторат треба да даде извештај, но имаше тримесечен преоден период за да премине во Министерството за економија и труд, и да даде извештај за шестмесечната работа, посочи Дурмиши.