Двајца пациенти со Ковид-19 починале синоќа при прием во Ургентниот центар на ГОБ“8 Септември“. Пациентите биле донесени со возила на Итната медицинска помош, а се лекувале дома. Лекарите ги реанимирале, но залудно и за двајцата било доцна, починале. Пациентите биле на возраст од 59 и 63 години. Нема информација зошто толку доцна биле донесени во болницата.
Таму во последното деноноќие примени се 16 нови заболени со Ковид-19. Директорот, проф.др. Христијан Костов вели дека секоја вечер примаат по 15 до 20 нови заболени, брзата помош постојано носи нови случаи. Сепак, тој нагласи дека болницата секојдневно ја напуштаат по 10-тина оздравени пациенти, кои во подобрена состојба си заминуваат дома.
Оваа болница бележи и тројца пациенти кои станаа од респиратор, како и четворица од сипап(CPAP) маски преку кои примаат кислород Преку ресипраторна вентилација. Сите биле екстремно тешки случаи со 40 % сатурација на кислород во крвта, вели директорот Костов.