Лука има само две години, а со помош на знаковниот јазик веќе разговара со неговата мајка Александра која е глува. Ова мало дете учејќи да зборува во исто време го учи и знаковниот јазик. Двегодишниот Лука ја дели истата судбина со многу други деца во државата, да им овозможат комуникација на своите родители со надворешниот свет.
Ова е голем товар и одговорност за Лука, но и на секој кој во своето семејство има некој глув вели нејзината сестра Николина. Таа цел живот е покрај својата сестра, на која и е преведувач и личен асистент, секогаш кога тоа и е потребно.
Лука во иднина го очекува голема задача, ќе мора да биде толкувач на своите мајка и татко. Со нив треба да оди во банка, на лекар, по шалтери, во институции. Тоа го прават сите кои имаат глув член во потесното семејтсво.
Во државата има само 12 толкувачи на знаковен јазик, а околу 6000 глуви лица. Според законската регулатива на секој од нив годишно му следуваат по 30 часа бесплатно толкување. Никој не ги искористил овие часови бидејќи толкувачите неможат да стигнат кај сите и наплаќаат за своите услуги.
Државата не организира обуки за повеќе луѓе да можат да го научат знаковниот јазик. Затоа Лука, уште сега си ја сфатил сериозно својата задача, да им помага во преводот на своите родители секогаш кога тоа ќе им биде потребно.