Published: Tuesday, January 23, 2024 10:05
Едно лице е полесно повредено во пожар во куќа на улица ,,23 Август” во Берово. Во пожарот што се случил синоќа околу 22:30 часот, интервенирала Територијалната противпожарна единица од Берово, која спречила огнот да ги зафати соседните куќи, кои се наоѓаат во близина.
-Во пожарот зафатена беше трособна куќа во која покуќнината и една просторија беа опожарени, но сепак пожарот е локализиран со минимална штета. Заштитени беа околните објекти, посебниот објект до куќата и куќата во близина со цел да не се прошири пожарот и минимизира штетата, информираа од ТППЕ Берово.
Екипа на Итната помош од Берово му укажала прва помош на повредениот, а увид извршила екипа на МВР, од каде најавија дека дополнително ќе биде соопштена причината за пожарот.