Турскиот премиер Реџеп Таип Ердоган ги обвини курдските востаниците затоа што не ја напуштија Турција како што беше предвидено, и ја исклучи секоја општа амнестија, според изјавите кои во саботата ги цитираат медиумите.
„Не се исполнети верувањата на Работничката партија на Курдистан (PKK) за повлекување од турската територија. Само 20 отсто од бунтовниците ја напуштиле Турција, особено жени и деца”, изјавил премиерот Едроган, според AFP.
Во рамките на преговорите водени од крајот на 2012 година, со лидерот на PKK, кој отслужува доживотна затворска казна, Абдула Оџалан, курдските востаници прогласија прекин на огнот во март 2013 година и почнаа во мај да се повлекуваат од турската територија. За возврат оттогаш бараат владино ангажирање во полза на курдското малцинство во Турција.
Од друга страна, Оџалан на почетокот од август ги повика турските власти да ги исполнат своите обврски за мирно решение на курдскиот проблем, изјави во вторникот неговиот брат Мехмет Оџалан.
Во тој контекст Ердоган категорички ја исклучи „општата амнестија”, во полза на бунтовниците на PKK, којашто може да го опфати и Оџалан. „Нема ниту збор за општата амнестија”, нагласил Ердоган истакнувајќи дека ниту барањето на Курдите за настава на курдски јазик во училиштата, исто така, не се разгледува.
Турските власти од октомври 2012 година водат преговори со водачот на PKK, Абдула Оџалан за ставање крај на 35-годишниот конфликт. Процесот на решавање се состои од три фази: повлекување на курдски бунтовници од Турција, носење реформи од страна на турската влада за да се обезбеди почитување на правата на курдското население и постигнување одржлив мир и социјалнo помирување. Курдските бунтовници почнаа да ја напуштaaт територијата на Турција во мај и се повлекуваат во нивните бази во соседен Ирак. Отсуство на натамошните чекори на турската влада во рамките на ткн „втора фаза” повеќепати предизвика остри критики од страна на PKK.