Софија да прекине со отпорот порача австриската министерка за Европа и Устав, Каролине Едштадлер, додавајќи притоа дека Австрија нема разбирање за букарското вето кон Македонија.
-Сакам јасно да апелирам на португалското претседателство брзо да се финализира преговарачката рамка за да може да се одржи првата меѓувладина конференција. Секое одложување, ќе значи дека сме губитници. Северна Македонија го смени името за да се приближи кон ЕУ. Искрено ќе кажам дека немам разбирање за бугарското вето. Јасно и гласно апелирам до Бугарија овој отпор да го заврши, истакна Ештадлер на заедничката прес – конференсија по средбата со македонскиот вицепремиер за еврионтеграции Никола Димитров.
Вицепремиерот Димитров истакна дека е вистинско време земјава да го зпочне процесот на пристапување, но дека не смее да се дозволи пристапниот процес да стане заложник на билатерални прашања, посебно кога тие прашања не се на линија со европските вредности.
Австриската министерка истакна и дека Австрија ќе работи на понатамошни испораки на вакцини на Западниот Балкан, за, како што рече, во регионот да не се шират други сили како што гледаме во некои соседни земји.
Вицепремиерот Димитров од Виена ја започна турнејата во главните градови низ Европската унија, во контекст на изразените австриски заложби за интензивирање на процесот на проширување на ЕУ со државите од Западен Балкан, како и ангажманот на Австрија во справувањето со пандемијата КОВИД-19 и обезбедувањето помош врз основа на принципот на солидарност.