Муслиманското братство ги откажа протестите планирани за денеска во Египет, повикувајќи се на снајперисти на зградите по должината на маршот, јавува Си-Ен-Ен.
Привремената влада на Египет замоли глобалната заедница да ја слушне нејзината страна по деновите на смртоносно насилство низ целата земја.
Членови на Министерството за надворешни работи покажаа видео и-фото-монтажа за неодамнешните масакри, обвинувајќи ги терористите за хаос.
Министерството за надворешни работи, исто така ги нападна меѓународните медиуми, велејќи дека медиумите биле наклонети кон демонстрантите кои го поддржуваат соборениот претседател Мохамед Морси и Муслиманското братство.
Но, приврзаниците на Mорси рекоа дека египетските безбедносни сили го предизвикале насилството, во кое загинаа стотици луѓе во последните неколку дена, почнувајќи со упад рано наутро во два про-Морси протестни кампови минатата недела.
Крвавиот ќор-сокак меѓу оние кои сакаат Морси да се врати на власт и воено-поддржаната привремена влада би можела да добие и погрда недела.
Протести во Каиро и Гиза ќе почнат по попладневните молитви, соопшти Муслиманското братство и Партијата на правдата. Тоа е дел од планираните, од Братството, еднонеделни протести за да го одбие државниот удар со кој го смени Морси.