Јавното обвинителство соопшти дека “во врска со настаните во Куманово, што се случија при спроведување на полициската акција, Министерството за внатрешни работи до Основното јавно обвинителство за гонење на организиран криминал и корупција поднесе кривична пријава против определен број лица, за сторено кривично дело – Терористичко загрозување на уставниот поредок и безбедноста по чл. 313 од Казнениот законик.
Основното јавно обвинителство за гонење на организиран криминал и корупција по примената кривична пријава ги презема сите потребни истражни дејствија согласно закон.
Основното јавно обвинителство за гонење на организиран криминал и корупција дополнително ќе ја извести јавноста за преземените дејствија, кои во интерес на истрагата, во моментов не може да ги сподели”, вели Јавното обвинителство.
Репортерката на НОВА Сашка Цветковска од Куманово јавува дека екипа на Јавното обвинителство туку што стасала во Куманово во Диво насеље за да изврши увид.
Се шпекулира дека на новинарите ќе им дозволен влез во Диво насеље штом заврши увидот на екипите.