– Не оцрнуваме и не браниме ни власт ни опозиција, нашиот интерес е градот, и сакаме сите тие да преземат конкретни мерки не од типот „да не се излегува од дома“ туку да се пресече за некои ситуации и да се намали употребата на возила преку дестимулациони мерки за возачите, и стимулациони мерки за пешачење, користење велосипеди како и употреба на јавниот транспорт, вели за НОВА, Никола Нешкоски од ЕКО ЛОГИК.
По вчерашната јавна молба на невладината организација ЕКО ЛОГИК во која упатија апел до граѓаните поретко да ги користат своите автомобили и да им проработи свеста, Нешкоски вели зрелоста е на ниско ниво, „но мораме да тргнеме од самите себе и да се види како е без автомобил“, уверувајќи дека луѓето кои се навикнати да се движат со возила, ќе им се допадне и пешачење.
Апелот не е од денес за утре но мора да се тргне индивидуално.
Сепак, идејата која доаѓа од ЕКО ЛОГИК, е централното градско подрачје да биде пешачка зона, а како многу значен дел од оваа идеја е да се интензивира користењето на Обиколницата.
Според Нешкоски, вчерашната молба до граѓаните не доаѓа поттикната само од изминатиов период туку генерално тоа е полето на која работи организацијата во кој работи и тој.
Воедно, аерозагаденоста и смогот, веќе над една недела се причина за намалената видливост во градот, а граѓаните секојдневно апелираат до надлежните конкретно да работат на оваа тема и што побрзо да се реши ситуацијата со неквалитетниот амбиентен воздух, кој може да биде причина за акутни и хронични заболувања, како кај постарите така и кај најмладите.
Фото: „skopjeinfo“