Еколошките криминалци наскоро ќе можат да бидат изведени пред Меѓународниот кривичен суд (МКС) во Хаг и да бидат судени за еколошко злосторство против човештвото.
Обвинителката на МКС Фату Бенсуда објави пред неколку дена политички документ во кој ги предупредува политичарите и бизнисот дека нејзиниот отсега ќе стави акцент врз разурнувањето на човековата околина или екоцид кое ќе биде судено како злосторство против човештвото.
Фату Бенсуда
Хелен Бради од Хашкото обвинителство за агенцијата АФП изјави дека не станува збор за додавање на нови злосторства на оние кои се набројани во статутот на МКС туку нов посебен акцент врз овој криминал. Според неа судењето на “екоцидот” е предизвикот на 21 век а овој документ треба да испрати силна порака до сите политичари и бизнисмени во светот.
Судење на “екоцид” е предизвикот на 21 век а документот на МКС треба да испрати силна порака до сите корумпирани политичари и бизнисмени во светот.
Оваа историска одлука беше поздравена од страна на борците за човекови права и екологистите според кои таа ќе биде одлично средство за притисок врз корумпирани политичари.
“Ниту едно западно општество нема да сака да биде осудено за злостроство против човештвото со тоа што ќе добие концесии во рудници во Азија или Африка”, вели за АФП адвокатот Ричард Роџерс кој поднесе тужба против слично злостроство во Камбоџа.
Податоците велат дека милиони луѓе се избркани од своите домови во руралните земјоделски средини во светот за да може да копа руда, да се градат објекти или да се уништуваат прашуми кои им носат голем приход на корумпирани политичари и нивните бизнис партнери. Најмалку три лица загинуваат секоја седмица во обид да го одбранат парчето земја од кое живеат.
МКС е суд сместен во Хаг и тоа е првиот постојан суд кој има задача да ги суди воените злостроства, геноцидите и злосторствата против човештвото. Судот може да суди и злосторства починети во мир. Така, адвокати испратиле барање до МКС за отворање на истрага во Камбоџа. Владата на оваа земја прави договори со странски групи за експлоатација на земјиште на кое се одгледува шеќерна трска со што им се прави огромна штета на руралните средини.