Според последните истражувања направени за долгот на земјите во светот, во моментов има 24 земји кои се соочуваат со сериозна должничка криза, а помеѓу нив и Македонија.
Изминатава недела цело време се зборува за долгот на Грција, но како што пишува „Global Research“ банкротот само што не ги погодил и други држави меѓу кои и Македонија, Хрватска и Црна Гора.
Најновата анализа на канадската невладина организација, предупредува дека износот на долгот на сите економии на Земјата според БДП достигнал историски рекорд од 286 проценти.
Тоа, според нив, значи дека секој жител на планетава во овој момент должи по 28.000 долари. Бидејќи речиси половина од вкупната популација во светот дневно живее со помалку од 10 долари, јасно е дека тој долг никогаш нема да биде вратен, а каква ситуација ги очекува најзагрозените земји, ќе се дознае за само неколку години, тврдат канадските аналитичари.
„Единствено можно решение во постојниот систем е плаќањето да се одложува се додека пирамидата од долгови самоиницијативно не се сруши“, сметаат експертите од овој центар и додаваат дека Грција е пример на земја која акумулирала толкав долг, од кој излез речиси не постои.
„Другите европски земји се обидуваат да пронајдат начин Грција трет пат да се извлече, но тоа е исто како долгот од една кредитна картичка да го отплаќате со друга. Виртуелно, сите во Европа се „дават“ во долгови. Државите никогаш во историјата не должеле толку пари, а секој ден тој износ се зголемува“, нагласија тие.
Тешка ситуација во финансиски најзагрозените земји во регионот:
– Македонија
6,1 милијарди евра јавен долг
68,68 проценти од БДП е надворешниот долг
2,1 милион жители
265,370 невработени
– Хрватска
54,4 милијарди евра изнесува надворешниот долг
68 проценти од БДП изнесува тој долг
4,5 милиони жители
259,324 неврботени
– Црна Гора
1,94 милијарди евра изнесува јавниот долг
69 проценти од БДП е надворешниот долг на оваа земја
621.000 жители
47,600 невработени
Како што објавува „Global Research“, под закана од распад на економиите се следниве земји:
– Ерменија
– Белизе
– Костарика
– Хрватска
– Кипар
– Доминиканска Република
– Ел Салвадор
– Гамбија
– Грција
– Гренада
– Ирска
– Јамајка
– Либан
– Македонија
– Маршалски Острови
– Црна Гора
– Португалија
– Шпанија
– Шри Ланка
– Свети Винсент и Гренадини
– Тунис
– Украина
– Судан
– Зимбабве