Поранешната советничка на американскиот претседател Доналд Трамп објави снимен телефонски разговор со Трамп, кој и се јавил откако била отпуштена од Белата куќа минатата година. Со тоа таа ја доведува во прашање начинот на кој работи претседателската канцеларија.
На снимката што беше емитувана на американскиот телевизиски канал NBC, глас за кој се смета дека е Трамп звучи изненадено дека Омароса Маниголт Њумен добила отказ претходниот ден.
-Никој не ми ни кажа за тоа, вели машкиот глас.
Таа најави дека наскоро објавува мемоари, а Белата куќа ја опиша како „разочаран поранешен вработен“.
Трамп вчера на Твитер изјави дека негова поранешна вработена започнала сонапади врз него откако ја изгубила работата.
Тој додава дека побарал од началникот на Генералштабот, Џон Кели, да се обиде да ги среди работите.
Адвокатот на претседателот Трамп, Руди Џулијани, вели дека можно е Омароса да го прекршила законот со снимање на приватни разговори во Белата куќа.
Омароса Маниголт Њумен го познава Трамп од времето како ѕвезда на телевизиското шоу Приправник (The Apprentice) и му беше советник за афроамерикански прашања за време на изборите во 2016 година, пред да добие во позиција во областа на комуникациите во Белата куќа.