Транзицијата беше тест за тоа дали нацијата и државата можат со самостојноста да го обезбедат својот интегритет и на тој начин да бидат фактор на геополитичката рамнотежа во регионот и во општата европска приказна. Во променетиот амбиент. За жал, одговорот е, како што гледаме, негативен.
Бранко Тричковски
Ние сме, сепак, екстензија на една инсталација во историјата, а не органски историски феномен.
Судирот меѓу вистината за тоа и нашата самопретстава се во основата на драмата во која ние се покажавме недостојни субјекти.
ВМРО-ДПМНЕ е реагенсот кој го обезбеди контрастот кој на снимките ја покажа македонската национална и државотворна кауза, не како епика, дури не и како трагика, туку како карикатура во однос на стандардите на времето и на светот.
Ние бевме и сме само еден елемент.
Не сме се.
Заборавивме или не сакавме да се довршиме.
Вистината има и парчиња кои не се наши или не се во наш посед.
Не сме комплетни.
Мораме да се усогласиме со тие што имаат акции во вистината за Македонија.
Не можеме да правиме што сакаме, со што сакаме и кога сакаме.
Ние можеме комшиите да ги третираме како непријатели, но за светот тие се актери во регионот и во Европа кои за Македонија имаат свои приказни. Тие не се злобни и непријателски кон нас, како што ние си ги прикажуваме, само се различни од нашите.
Транзицијата беше тест за тоа дали нацијата и државата можат со самостојноста да го обезбедат својот интегритет и на тој начин да бидат фактор на геополитичката рамнотежа во регионот и во општата европска приказна.
Во променетиот амбиент.
За жал, одговорот е, како што гледаме, негативен. Наместо да го изгради својот ингегритет во новите услови и предизвици, Македонија се понуди да биде незавршен случај врз основа на самопретставата за јагнето и волците.
Дамапада би рекол дека Македонците се подложни на желби само затоа што не ги гледаат работите такви какви што се.
Многу точно.
Будистичката сентенца може да им помогне на Македонците кога би знаеле да ја прочитаат и прифатат таква каква што е.
Тешко.
Македонците се како штркови кои мислат дека Европа ги тера пред зимата да заминат во топлите краишта за да им го уништи идентитетот и да им ја заземе територијата.
И затоа им се препуштаат да домашните маѓионичари.
Некои велат дека биле полулудаци.
Но, не!
Полулудаците имаат чувство за нијанси и склоност кон прецизност. Тие се точни, а потполните лудаци се само брутални.
Ние сме жртва на комитската бруталност.
И на тие што ги рентираат.
Македонците не можат да и се доближат на вистината затоа што вистината е само она што избива од емоциите и цинизмот.
А тие немамаат никаква смисла за цинизам, парадокси и слични вистински и вистинити форми на видување и интерпретација на стварноста, а во емоциите сме или примитивни или позери.
Од Фејсбук ѕидот на авторот