Европскиот Парламент загрижен за владините реклами и самоцензурата, а со поддршка за активистите во борбата против цензура на интерент.
Текстот на предлог резолуцијата на Ричард Ховит за кој денес ќе се расправа во Европскиот парламент иако носи пофалби за законот за декриминализација, сепак, тонот за генералните состојби во земјава во сферата на слобода на медиуми е остар.
Критики на адреса на владините реклами како форма на поткуп, но и поздравување на напорите на социјалните медиуми против цензурата на интернет – опасност која демне со новиот закон за медиуми.
Еве што пишува во членот 29 од резолуцијата кој се однесува на слободата на медиуми:
“Ја поздравуваме декриминализацијата на клеветата и навредата и дијалогот помеѓу Владата и новинарите, ја повикуваме владата да продолжи да работи на зајакнување и промоција на слободата на говорот и медискиот плурализам кој мора да биде ослободен од секакви форми на политички и финансиски влијанија.
– Како и да е, изразуваме загриженост поради тоа што земјата значително падна на скалата на слободата на медиуми на “Репортери без граници” и повикуваме на понатамошни напори за зајакнување на професионалните стандарди во новинарството, истражувачкото новинарство, независноста на јавниот сервис и медиумскиот плурализам, транспаретноста на сопствеништово, работичничките права на новинарите.
– Изразуваме загриженост поради широко распространетата автоцензура помеѓу новинарите и отсуството на саморегулација. Изразуваме загриженост поради владините реклами кои се насочени кон провладините медиуми и изразуваме поддршка на активистите на социјалните медиуми кои лобираат против цензурата на интернет”, пишува во текстот.