Турски суд издаде налог со кој им се наредува на телекомуникациските службеници да го отворат пристапот до Твитер, пет ден откако владата на Ердоган го блокираше.
– Со оглед на тоа дека ова е суспензија на одлуката, во сила може да ја врати само судот, кој ја суспендираше. Затоа властите ќе мора да побараат ново мислење од судот, изјави асистентот во Центарот за ИТ политика од Принстон, Зејнеп Туфекчи.
Турскиот суд официјално го блокираше Твитер поради „жалбите на граѓаните дека социјалната мрежа ја крши приватноста“. Турскиот телекомуникациски регулатор БТК соопшти дека побарал од Твитер да повлече одредени содржини и линкови од мрежата, на што немало одговор.
– Бидејќи немаше друг избор, пристапот до Твитер е блокиран во согласност со одлуката на судот, со цел да се избегне натамошната виктимизација на граѓаните, се наведува во соопштението.
Твитер не ги почитуваше одлуките на турските судови и затоа властите во земјата го блокираа пристапот до таа социјална мрежа, а оваа мерка е внатрешно прашање на Турција, изјави во предизборното интервју турскиот премиер Реџеп Таип Ердоган.
„Доколку не ги поправите проблемите, ќе го затвориме сајтот. Доколку се придржувате до нив, ќе ја отстраниме забраната. Што е Твитер? Тоа е компанија а Ју Тјуб стои позади неа. Тие работата со правниците на Ју Тјуб“, рече Ердоган. (изјава видео горе)
На критиките од ОН и европските земји, Ердоган побара од ЕУ да се занимава со своите проблеми.
– Тоа што ние го сторивме е наше внатрешно прашање. За тоа има судски одлуки. Зошто ЕУ го игнорира тоа што се случува во други земји? Нека се однесува со нас, онака како што се однесува со другите земји, рече Ердоган.
Во однос на забраната, и обвиненијата од страна на ЕУ за нарушување на човековите права, Ердоган вели е неоправдано.
– Што се однесува со слободите, ние сме отидени многу понапред од повеќето земји во ЕУ. Таква слобода на информирањето, како кај нас, нема во повеќето од нив. Човек може да го нарече и навреди премиерот како сака. Такво нешто не може да се направи во повеќето од тие земји, рече Ердоган.
Пристапот до Твитер во Турција беше блокиран на 20 март.
„Анкара може да ги загрози меѓународните обврски од областа на човековите права со забраната на социјалната мрежа Твитер“, посочуја вчера Обединетите и ја повикаа Турција да ја тргне забраната.
– Ние сме загрижени дека блокадата на 20. март на пристапот до Твитер од агенцијата за -телекомуникации може да е во спротивност со меѓународните обврски на Турција во областа на човековите права, изјави Руперт Колвил, портпаролот на Врховниот комесар на ОН за човекови права.