Турскиот парламентарен Комитет за планирање и буџет го поддржа контроверзниот закон за построга контрола на Интернетот, јавија денеска турски медиуми.
Се очекува дека турскиот Парламент ќе даде зелено светло за законот во наредните недели, јави Анадолија.
Предложените мерки предизвикаа загриженост во Турција каде некои сметаат дека Владата на премиерот Реџеп Таип Ердоган воведува цензура.
Министерството што го предложи спорниот закон, наведува дека целта на законот е да ја заштитува приватноста и блокирањето на Интернет содржините, како што се порнографија и сексуално злоставување деца.
Противниците на законот, меѓутоа, тврдат дека ќе им овозможат на властите да ја следат активноста на корисниците на Интернет и да ги блокираат шифрите кои властите ги сметаат за проблематични.