Шпанскиот мисионер заразен од ебола, кој пред два дена беше однесен во Мадрид, ќе добие експертиментален третман кој досега бил користен само два пати во САД врз двајца Американци вратени од Либерија, јави шпанското министерство за здравство.
Третманот се нарекува ЗМапп и стасал во Шпанија во саботата вечер откако Агенцијата за лекови и санитарни производи одлучила да го нарача со специјална дозвола. Мисионерот Мигуел Пахарас кој има 75 години се наоѓа во болницата Карлос Трети, прецизира министерството преку соопштение.
ЗМапп е производ на една приватна лабораторија во САД и досега бил тестиран само врз животни. Во Шпанија можел да биде увезен благодарение на еден закон кој дозволува «употреба на неавторизирани лекови во случаите кога животот на пациентот е во опасност и тој не може да биде лекуван ма задоволителен начин преку авторизираните лекови», вели министерството.
Лекот е коктел на три анти-тела наречени «моноклонони» кои се способни да ги препознаат заразените клетки од вирусот и да предизвикаат имунитарна реакција. Истражувањата врз лекот траеле десет години и досега дозволил заштита на мајмуните кои биле третиран еден час по експозицијата на вирусот ебола.
Според експертите, лекот тешко се произведува. Отсега веќе се јавуваат реакции за тоа дека лекот не им е предложен на сантирантите власти во Африка додека истовремено бил администриран на двајца Американци и сега на еден Шпанец.