Ескпертите на Меѓународната здравствена организација одлучија да дозволат употреба на експертименталните лекови особено во западна Африка која е на удар на вирусот ебола. Истовремено вчера почина и првиот европски граѓанин од ебола, шпанскиот мисионер кој се заразил во Либерија.
“Пред условите на епидемијата и под резерва дека одредени услови треба да се исполнат, комитетот дојде до консензус според кој е етички да им се даде на луѓето третман кој се уште не добил дозвола за употреба и чија што ефикасност и нус ефектите се уште не се познати”, објаснија во Меѓународната здравствена организација.
Овој зрак светлина доаѓа во моментот кога почина Шпанецот мисионер и покрај тоа што му беше даден експертименталниот лек кој го носи името ZMapp и кој е произведен во САД.
Комитетот на Меѓународната здравствена организација ги дефинираше и условите за употреба на лекот а тоа се тотална транспарентост во однос на негата на заболеното лице кое мора да го добие сите информации за лекот и да даде своја дозвола дека сака да го прима лекот-тест. Заболеното лице целосно слободно одлучува дали сака или не да го земе лекот.
Сепак, Меѓународната здравствена организација признава дека нејзините одлуки се само совети и дека во моментов нема доволно лекови кои би биле на располагање. Вирусот е ебола е «типична болест на сиромашните земји каде што нема нема доволно пазар за фармацевтските фирми», им објасни на новинарите една висока функционерка на Меѓународната здравствена организација. Според неа само инвестиции од владите би можеле да помогнат лекот да биде достапен за сите.