По неколкугодишни преговори, Европскиот парламент усвои голема реформа за миграција и азил во рамки на ЕУ, пренесува Би-Би-Си.
Европскиот Пакт за азил и миграција беше предмет на разгледување од 2015 година, а ќе стапи на сила за две години.
Истиот има за цел да го забрза процесот за азил и да го поттикне враќањето на нерегуларните мигранти во матичните земји.
Исто така, ќе изискува од земјите-членки на ЕУ да ја споделат одговорноста за барателите на азил.
Во изминатите години околу 380.000 луѓе илегално ги преминаа границите на ЕУ – најголема бројка од 2016 година.
Пактот за миграција беше поддржан од двете главни политички групи – централно-десничарската група на Европската народна партија и левичарскиот Прогресивен сојуз на социјалистите и демократите.
Роберта Мецола, претседателката на Европскиот парламент, рече дека со пактот се постигнала „рамнотежа помеѓу солидарноста и одговорноста“.
Сепак, левичарските и екстремно десничарските групи се спротивставија на договорот.
И многу невладини организации, исто така, ги повикаа европратениците да ја изгласаат реформата, при што Амнести интернешнал предупредува дека пактот ќе доведе до „наплив на страдање“ за барателите на азил.
М. П.