Министрите за надворешни работи на земјите-членки на Европската унија, денеска во Брисел на состанок на Советот за општи работи на Унијата (ГАК) нема да расправаат за проширувањето. Препораките на ЕК од пролетниот извештај за земјите од Западен Балкан се уште се предмет на расправа во другите тела на Советот на министрите.
Како што дознава НОВА од дипломатски извори во контекст на подготовките за Европскиот Совет за 27 и 27 јуни од Македонија се уште се чека на формирањето на Анкетната комисија која треба да ги истражи причините за инцидентите во Собранието од 24 декември. Како што дознава НОВА формирањето на Анкетната комисија е предуслов за воопшто Македонија да биде предемт на дискусија на јунскиот совет. “Без исполнувањето на овој услов беспредметно е да се отвара расправа за препораките на ЕК за почеток на преговри” велат за НОВА дипломатски извори.
Како што е познато ЕК во пролетниот извештај потецираше дека еден од предусловите за Македонија да добие датум за почеток на преговори е имплементација на договорт од 1 март постигнат меѓу ВМРО ДПМНЕ и СДСМ а со посредство на комесарот Филе и европратеникот Ховит.