ЕУ утре ќе одржи вонреден состанок на министрите за надворешни работи посветен на Украина.
Повеќе земји членки на ЕУ денес побараа санкции против Украина а некои дури сметаат дека Виктор Јанукович може да биде изедначен со Александар Лукашенко од Белорусија. Јанукович во вторникот одби да одговори на телефонските позиви на германската канцеларка Ангела Меркел и шефот на Европската комисија (ЕК) Хозе Мануел Баросо.
Порака од лидерот на опозицијата Виктор Кличко сабајлево од Европскиот парламент (ЕП) испрати и познатата пејачка Руслана која, завиткана во европско знаме, се појави на прес конференција и рече дека ќе почне штрајк со глад доколку ЕУ не воведе лични санкции против виновниците за насилството.
“Ова што се случува во Украина не е револуција, не е конфликт, не е граѓанска војна туку е војна на Јанукович против неговиот народ”, рече Руслана.
Од Брисел таа замина за Киев каде ќе им се придружи на протестантите.
Европскиот портал ЕУОбзервер јавува дека германскиот министер за надворешни работи Франк-Валтер Штејнмејер, кој досега беше противник на санкции, изјави дека одговорните за насилството треба да знаат дека санкциите против нив ќе бидат разгледани во ЕУ.
Со слична изјава излезе и шведскиот министер Карл Билд. Според ЕУОбзервер станува збор за санкции против замрзнување на имотите на Андреј Клујев кој му е шеф на кабинет на претседателот Јанукович, поранешниот премиер Микола Азаров и синот на Јанукович Олександар кој поседува фирми во Австрија, Холандија и Велика Британија.
“Нема околности кои можат да ги оправдаат сцените што ги видовме”, изјави Баросо, го осуди насилствата, побара нивни крај и кој исто така изјави сочувство за семејствата на загинатите. Баросо рече дека ЕУ и нуди чесна поддршка на Украина за да се воспостави политички дијалог и верува дека е потрена уставна реформа и создавање услови за нова инклузивна влада и демократски избори.
Загриженоста со ЕУ ја делат и Вашингтон и генералните секретари на НАТО и на ООН кои исто така повикаа за прекин на насилството и обнова на разговорите со опозицијата. Белата куќа смета дека употребата на силна нема да ја реши кризата.
Првата денешна реакција на Москва беше обвинување на Западот за работ на граѓанската војна на кој се наоѓа Украина. За Русија овие насилства се “директна последица за блискоста ма западните политички лидери и европските структури кои ги затвораат очите врз агресивните акции на радикалните сили”, рече шефот на Комисијата за надворешни работи на Думата.