Брисел и Вашингтон денес рекоа дека референдумот во Крим е «нелегален и нелегитимен» и «во спротивност со украинскиот устав и меѓународните закони». Во ие на ЕУ заедничко соопштение испратија претседателите на Европската комисија (ЕК) Хозе Мануел Баросо и на Советот на ЕУ Херман Ван Ромпеј.
Вашингтон исто така предупреди дека нема да го признае резултатот на консултацијата на Крим, му рекол државниот сектерар на САД Џон Кери на неговиот руски колега Сергеј Лавров за време на телефонски разговор.
ЕУ во понеделник наутро одржува министерски совет а вечерва амбасадорите на 28те земји членки ги разгледуваат опциите за санкции кон Русија.
«По овој нелегален референдум Русија започнува со де факто анексија на украинската територија», реагираше литванската претседателка Далиа Грибаускаите.
За Французот Франсоа Оланд ова е «псеудо-консултација». Тој предупреди дека ќе има санкции доколку не престане ескалацијата.
Реагираше и Лондон кој смета дека е време за ЕУ да донесе рестриктивни остри мерки, рече шефот на дипломатијата Вилијам Хејг. Досега Лондон беше поколеблив во однос на санкциите, особено кон руски милијардери, кои се активни во лондонскиот «сити».
Бугарскиот премиер Пламен Орешарски исто така покажа загриженост велејќи дека неговата земја, како и други од источна Европа, ќе бидат големите губитници од санкциите. Бугарија зависи од рускиот гас кој минува преку Украина.
Според дипломатите мерките нема да бидат објавен пред крајот на утрешниот министерски состанок. На список на лицата под санкции може да има 25 до 30 имиња. Листата, според еден дипломат, «ќе биде лимитирана но политички значајна за да се испрати јасна порака» до Москва. На неа би требало да има пратеници, членови на бебзедносните служби и висок претставник на руското министерство за одбрана. Друг извор прецизира дека засега нема да има членови на руската влада бидејќи е тешко да се сакнционираат лица со кои ЕУ би требало да преговара во иднина.
Доколку кризата продолжи да се влошува ЕУ планира и трета фаза на санкции кои би требало да бидат насочени кон трговските и економски односи.
Според белгиските медиуми, бизнис средината е загрижена од ваквите најави. Во «Дер Шпигел» газдата на енергетската фирма ЕОН, предупреди дека сето тоа може да направи многу штета во однсите со Русија која е трет економски партнер на ЕУ.