Македонија на светските берзи ја понуди седумгодишната еврообврзница со камата од 5 проценти, објави денеска агенцијата Ројтерс.
Минатата недела Владата ја издаде еврообврзницата со максимален износ од 650 милиони евра, а главни агенти се Сити груп, Дојче банк, Сосиете женерал и Ерсте банк.
Од почетокот на неделава најавени се посети на странски инвеститори во земјава.
Издавањето на еврообврзницата Владата ја правда со потребата од средства за покривање на буџетскиот дефицит за оваа и следната година и за рефинансирање на старите долгови.
Најголем број од политичките партии главно од опозицијата најавија дека ќе ја оспорат и повикаа да се блокира нејзината реализација.
Кредитниот рејтинг на Македонија е ББ- (стабилен) според Стандар и Пурс, додека Фич ја рангираше со оценка ББ+ (негативна).
Во македонската јавноста малку се знае што е тоа еврообврзница. Аналитичарите излегоа со фрапантни податоци за тоа колку веќе должиме и кога и како ќе враќаме.