Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Европратениците изразија „сериозна загриженост“ за состојбата во Газа

0
By Marija Todorovska on September 11, 2025 ВЕСТИ, СВЕТ
СПОДЕЛИ
Facebook Twitter LinkedIn Email

Европскиот парламент денеска со 305 гласа „за“, 151 „против“ и 122 „воздржани“ усвои Резолуција со која се изразува „сериозна загриженост“ поради „катастрофалната“ хуманитарна криза во Газа и повикува на преземање итна акција од страна на ЕУ.

Сепак, во конечната верзија на необрзувачката Резолуција, при дефинирањето на состојбата во Газа не се споменува терминот „геноцид“, на што претходно инсистираа партиите на левицата, но се повикуваат земјите членки на ЕУ да размислат за признавање на Палестина.

Во документот се осудува „опструкцијата“ на доставувањето хуманитарна помош од страна на израелската Влада „со што е предизвикан глад во Северна Газа“ и се повикува на отворање на сите релевантни гранични премини.

Европратениците изразуваат вознемиреност од сериозниот недостиг на храна и неухранетоста што произлегуваат од ограничената хуманитарна помош и ја нагласуваат итната потреба за целосен, безбеден и непречен пристап на цивилите до основни производи, како што се храна, вода, медицински материјали и засолништа.

Во Резолуцијата се повикува и на враќање на целосниот мандат и финансирање на Агенцијата на ОН за помош на палестинските бегалци (УНРВА) и се изразува незадоволство од сегашниот систем за дистрибуција на помошта.

Европратениците со документот бараат итен и траен прекин на огнот и итно и безусловно да бидат ослободени сите израелски заложници и ја повикуваат ЕУ да употреби „дипломатска моќ врз трети земји“ за да се изврши притисок врз Хамас за нивното ослободување.

Парламентот најостро ги осудува „варварските злосторства“ извршени од Хамас против Израел и повикува на конкретни санкции против терористичката група.

Во документот се повторува посветеноста на безбедноста на Израел и неговото „неотуѓиво право на самоодбрана“ во целосна согласност со меѓународното право, при што се нагласува дека еврејската држава останува клучен партнер на ЕУ во борбата против регионалниот тероризам.

Сепак, европратениците нагласуваат дека правото на Израел да се брани не може да оправда неселективна воена акција во Газа и изразуваат загриженост за континуираните воени операции во Појасот Газа, кои „доведоа до неподносливо страдање за цивилното население“.

Со Резолуцијата се поддржува најавата на претседателката на Еврокомисијата, Урсула фон дер Лајен за прекин на билатералната поддршка на ЕУ за Израел и делумно суспендирање на Договорот за асоцијација меѓу ЕУ и Израел во делот на трговијата.

Пратениците во Европарламентот повикуваат на спроведување целосни истраги за сите воени злосторства и кршења на меѓународното право и бараат сите вклучени во таквите активности да бидат повикани на одговорност.

Парламентот, исто така, ги поддржува санкциите на ЕУ против насилните израелски доселеници и активисти во „окупираниот Западен Брег и Источен Ерусалим“ и повикува на воведување санкции против израелските министри Безалел Смотрих и Итамар Бен-Гвир.

Со Резолуцијата се повикуваат сите институции на ЕУ и земјите членки да преземат дипломатски чекори „за да обезбедат посветеност на решението за две држави“, како и да „размислат за признавање на државата Палестина“. Според Парламентот, формирањето палестинска држава е клучно за мирот, безбедноста на Израел и нормализација на состојбата во регионот.

Во документот се нагласува потребата од целосна демилитаризација на Газа и нејзино враќање под власт на реформираната палестинска управа и се бара на Хамас и на другите терористички групи треба да им се одземе целата политичка и воена контрола врз Појасот.

Европратениците воедно „ги охрабруваат“ земјите од ЕУ да ги спроведуваат налозите за апсење на Меѓународниот кривичен суд. Меѓу оние за кои Трибуналот има издадено налози за апсење се и израелскиот премиер Бенјамин Нетанјаху и поранешниот министер за одбрана на Израел, Јоав Галант. с

газа европратеници ЕУ
Share. Facebook Twitter LinkedIn Email
ТИКЕР

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025
ФОКУС

Трамп до Путин: Нема да губам време

ВЕСТИ October 26, 2025

 Американскиот претседател Доналд Трамп изјави дека нема да се сретне со рускиот претседател Владимир Путин…

Родителите на загинатите во „Пулс“: Каде беа институциите кога ни изгореа децата?

October 25, 2025

Католичките свештеници за помалку од пет години сексуално злоупотребиле 4.451 лица

October 24, 2025

Данела Арсовска: Советот на Град Скопје и Управниот одбор се одговорни за состојбата во „Комунална хигиена“

October 23, 2025
ТИКЕР

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.