Или сме дел од активниот штит, или сме „дупка“ во безбедносната мапа.
Ана Чупеска
Додека Блискиот Исток е во пламен, а иранските закани директно ги допираат границите на ЕУ, Марк Руте доаѓа во Македонија.
Но, ова не е само протоколарна визита – ова е безбедносен тест за државата во услови на глобален тектонски поремет!
Како државотворна партија која ја внесе земјата во НАТО, СДСМ знае дека безбедноста не е празен популизам, туку прецизна и одговорна архитектура.
Затоа, сакам јавно да поставам прашања што власта на Мицкоски веројатно, ќе има тенденција да ги избегне пред Руте:
- Дали власта има капацитет да го следи „правниот безбедносен штит“ (legal security shield) на Ален Берсет, кој ДЕНЕС беше презентиран во Советот на Европа како итен одговор на хибридните закани по инцидентите кај Крф и Кипар?
- Каква е оперативната подготвеност на „јужното крило“ , или можеби институциите спијат додека енергетскиот колапс ни тропа на врата?!
- Што конкретно презема МНР за да го заштити нашиот пристап до енергенси во услови на тотална регионална блокада во Заливот, или повторно „цената на неспособноста“ ќе ја платат граѓаните преку нови поскапувања?
Конечно, европската безбедност е неделива.
Или сме дел од активниот штит, или сме „дупка“ во безбедносната мапа.
А, со овој аматеризам на власта, се плашам дека Македонија е оставена на ветрометина во најкритичниот геополитички момент по Втората светска војна.
Од Фејсбук ѕидот на авторката