На булеварот „Илиден“ во самиот центар на Скопје спроти влезот на Градскиот парк се наоѓа седиштето на Државната комисија за жалби по јавните набавки. Но, Покрај петте члена и вработените, во нивната канцеларија би требало да живеат и 15 Пустечани – регистрирани гласачи кои НОВА ги пронајде на избирачкиот список.
Во двоспратната куќа чија фасада неодмна беше реновинарана од страна на државата, не живее никој. Двата спрата се на располагање на Комисијата, но тие се сместени на првиот бидејќи вториот е руина и нема никакви услови за да преставува работна или животна средина.
Во соседството на Комисија за жалби по јавни набавки НОВА пронајде други фантоми-гласачи сместени Така на пример, На 100 метра од нив, на улицаата „Аминта Трети“ во Дебар Маало во стан се сместени 16 гласачи од Пустец.
Според процедурите и законите објавени на веб страницата на МВР, за да добиете лична карта треба да пријавите живеалиште. За да го направите тоа, треба да имате докази дека тоа е ваш стан или пак да приложите договор за закуп, но и да ја докажете вашата намера постојано да престојувате во земјата, односно потврда дека сте вработен, потврда дека децата ви посетуваат училиште во местото каде пријавувате живеалиште или доказ дека сте сопственик на фирма во Македонија и слично.
Откако минатиот четврток Државната изборна комисија објави веб страна со избирачкиот список социјалните мрежи и медиумите непрестајно известуваа за вишоци гласачи во нечии станови или пак мртви и иселени, па дури и вишоци од спратови во згради со фантомски гласачи.
Денеска ДИК ги повика граѓаните да помогнат во прочистувањето и да ги пријавуваат сите сомнителни случаи.