Основачот на Фејсбук, Марк Цукенберг, преку статус соопшти дека социјалната мрежа во иднина повеќе ќе инвестира во безбедноста на корисниците и сузбивање на лажните вести.
-Денеска правиме важен чекор за да го заштитиме интегритетот на изборите ширум светот, со тоа што ќе избришеме преку 270 страници и акаунти оперирани од руска организаија наречена ИРА. Повеќето од нашите акции против ИРА досега беа за да ги спречат од мешање во странски избори. Оваа новост е за да се избришат нивните страници кои таргетираат луѓе кои живеат во Русија. Оваа руска организација постојано се обидува да ги манипулира луѓето во САД, Европа и Русија, и ние не ги сакаме на Фејсбук било каде во светот.
Еве позадина на нашите заложби да се заштити интегритетот на изборите:
По 2016 година, откривме дека руската ИРА има поставено мрежа од стотици лажни профили кој шират содржини кои се мешаат во американските претседателски избори. Започнавме со истрага на нивната активност глобално и ги бришевме нивните страници и профили.
Оттогаш, ние ги подобривме нашите техники за да спречиме мешање во странски извори, и изградивме понапредни алатки за отстранување на профилите кои шират лажни вести. Имаше неколку важни избори во меѓувреме, при што беа користени овие нови алатки. На пример:
Во Франција, за претседателските избори во 2017, најдовме и избришавме 30.000 лажни профили.
Во Германија, пред изборите во 2017, работевме директно со Федералната канцеларија за информациска безбедност, за да дознаеме од нив за заканите кои ги детектирале и да споделиме инфомрации.
При специјалниот избор во американскиот Сенат на Алабама, ги применивме новите напредни алатки и пронајдовме и избришавме лажни профили од Македонија, кои се обидуваа да расшират лажни информации.
Исто така, значително инвестиравме во безбедноста. Сега ние имаме 15.000 луѓе кои работат на безбедноста и содржините кои се споделуваат. Ќе имаме повеќе од 20.000 до крајот на годинава – напиша Цукенберг на неговиот Фејсбук профил.
Во следните неколку недели ќе биде промовирана алатка со која корисниците на Фејсбук ќе можат да проверат дали лајкнале или следат некоја страница или профил кои се контролирани од руската ИРА.