Евро-комесарот за проширување Штефан Филе како еден вид олеснувач на кризата се вклучи директно во процесот на решавањето на политичката криза. За време на денешниот ненајавен престој во Скопје Филе имаше одвоени средби со премиерот Груевски и лидерот на СДСМ Црвенковски.

Според неофицијалните информации до кои дојде НОВА, Филе ги ставил на маса очекувањата за расплет на кризата од кои враќањето на опозицијата во Парламентот и фокусирање на решавање на проблемот со името. Откако СДСМ би се вратил во Собранието би се договарале детали околу локалните избори и барањата на Црвенковски за спроведување на предвремени парламентарни избори.

Она што е суштински интерс на ЕК е да обезбеди коректен извештај за Македонија во март како и фокусирање на решавање на проблемот со името до јуни со што би се овозможило зелено светло за старт на преговорите. Предвремени парламентарни избори во овој случај би можеле да се одржат по Европскиот совет во јуни на кој ќе се одлучи за тоа дали Македонија на есен стартува преговри или не.

Како што информира Делегацијата на ЕК од Скопје, Филе имал корисни дискусии на средбите со премиерот и лидерот на СДСМ, а ги разгледувал и подготовките за пролетниот Извештај за напредокот на реформите. Во соопштенито од Владата на средбата се разговарало и за бојкотот на опозицијата во рамки на продложување на евро-интегарциите. Инаку, доаѓањето на Филе во Скопје ексклузивно беше најавено на НОВА пред неколку дена.