Оценката на ОБСЕ/ОДИХР е многу слична со оценката за претходните избори. За жал, властите и другите чинители не посветија доволно внимание за сега да ги избегнат последиците од нерешавањето на тие прашања, изјави денеска еврокомесарот за проширување Штефан Филе во Брисел, одговарајќи на новинарско прашање да ја коментира постизборната ситуација во Македонија.
Тој рече дека постизборната ситуација во Македонија за жал е комплицирана и изрази надеж дека „за доброто на приближувањето на државата кон ЕУ ќе биде обезбеден инклузивен процес да се решат овие прашања за наредниот пат да не се соочиме повторно со истото“.
„Знаете дека оценката на ОБСЕ/ОДИХР е многу севкупна за претходните избори и за несреќа, властите и другите засегнати страни во земјата не посветија доволно внимание да се избегнат сегашните консеквенци од не решавањето на тие прашања. Во исто време, многу се надевам дека за доброто на приближувањето на земјата кон Европската унија, дека ќе биде обезбеден инклузивен процес за да се решат овие прашања и следниот пат да не се соочуваме повторно со истите“, истакна Филе за МИА.