Eврокомесарот за проширување Штефан Филе денеска пристигна во Киев на средба со украинскиот преседателот Виктор Јануковиќ.
„Меѓународните посредници мора да бидат вклучени во секоја дискусија за кризата во Украина. Јанукович реши да објави војна на сопствениот народ, наместо да ги сопре конфронтациите и да пристапи разумно кон решение на ситуацијата. Тој се обидува да си ја задржи моќта по цена на крв и дестабилизација на земјата. Тој мора да биде запрен“, рече опозициониот лидер Кличко.
Украинскиот претседател Виктор Јанукович најавил реконструкција на Владата и амнестија за сите уапсени во протестите како гест за смирување на ситуацијата во земјата.
Сепак, ваквиот чекор е далеку од барањата на демонстрантите кои бараат целосна оставка на Владата, претседателски избори и поништување на законите за забрана на протести.
Во меѓувреме демонстрантите го проширија својот камп на плоштадот во Киев, а ја освоија и зградата на украинското Министерство за земјоделство.
Незадоволството се разгоре по информациите дека од синоќа за исчезнат се води уште еден истакнат активист на украинската опозиција. 35-годишниот Дмитро Булатов бил член и портпарол на групата Автомајдан, шоферите кои со автомобили го изразуваат својот револт против Јанукович.
Пред два дена, уште еден демонстрант исчезна, а потоа беше пронајден мртов во шумата во близина на Киев.