Наредната посета на Скопје на комесарот Филе ќе биде во рамките на подготовките на пролетниот извештај за напредок кој во согласност со заклучоците на декемврискиот Совет на ЕУ, Европската комисија треба да го објави во март.
„Датумот на оваа посета се уште не е договорен“, изјави за НОВА портпарлот на комесарот за проширување Петер Стано.
Европската комисија очекува разврска на политичката криза.
“Комесарот Филе ги следи од блиску случувањата во Скопје и е во постојан контакт со оние кои се инволвирани во тие случувања. ЕУ ја поздрави иницијативата на претседателот за формирање на независна комисија која треба да направи препораки како да се избегне повторувањето на таквите инциденти”, изјави за НОВА, Петер Стано.
Во врска со процесот за изнаоѓање на решение за проблемот со името за кој ЕК изрази интерeс да биде вклучена подиректно, портпаролот на комесарот Филе ни рече дека во оваа фаза се воздржуваат од коментари.
“Нашата оценка за овој процес ќе се најде во пролетнито извештај за напредок. Процесот е во тек, а задачите и роковите се прецизно дефинирани, вели Петер Стано за НОВА.