Европскиот комесар за проширување Штефан Филе пред Комисијата за надворешни работи на Европскиот парламент инсистираше на потребата од целосно спроведување на договорот од 1. март меѓу политичките партии од Македонија, за разјаснување на настаните од 24 декември, јавува МИА.
Еврокомесарот очекува комисијата формирана врз основа на договорот од март годинава да си ја заврши работата.
Кога Штефан Филе започна да говори за европските перспективи на Македонија, неговиот лапсус предизвика смеа кај присутните на состанокот на Комисијата за надворешни работи на Европскиот парламент, откако тој сакајќи да зборува за „поранешната југословенска Република Македонија“, тој ја нарече земјата „поранешна југословенска република Југославија“, пред да ја исправи грешката.
Мислам дека е време да направиме нешто во врска со прашањето за името. Време е за тоа, време е за тоа, рече Филе.